Etorri eta ikusi proiektu ebanjelizatzailea da, metodologia eta baliabide apropos-aproposak darabiltzana fede iragarpena biziagoa eta adierazgarriagoa izan dadin, eta, Jainkoaren Hitza eta Eliz Tradizioa oinarri harturik, Jainkoak eskaini eta ageri izan digun itunaren eta adiskidetasunaren historian murgiltzea proposatzen duena. Montessori pedagogia du inspirazio-iturri, narrazioari ematen dio garrantzia, eta ikusmen eta maneiatzeko dinamika ere protagonismo handia dute.Proiektuak oinarri duen pedagogia oso egokia da pertsonaren espiritualtasuna lantzeko, batez ere haurrena. Horretan, bi bide erabiltzen ditu: Bibliari buruzko kontakizunen narrazioa (Itun Zahar eta Itun Berrikoena), eta Elizari buruzko istorioen (fedea, liturgia eta sakramentuak, morala eta otoitza). Kontakizun horiek inspiratu zituzten esperientziak edo haien protagonistek bizi izandakoak bere horretan aditzera ematea da asmoa.Bigarren liburu honetan, Agintzaren Historiari jarraipena emanez, hainbat istorio eta narrazio ditugu, epaile, errege eta profetenak, baita Jesusek agertutako Jainkoaren egitasmo nagusian oinarrizkoak direnak, Jesusen asmoekin bat egin ahal izateko, eta kristau bizitzako erroak dotrinan agertzen direnekin jabetzeko, hau da, sendotzako sakramentua eta Pazko aldiko ospakizunen edukiera.